Autódromo José Carlos Pace

O nome tradicional do circuíto, provén do feito de que a pista foi construída nunha rexión entre dous grandes lagos artificiais, o Guarapiranga e o Billings, que foron deseñados a principios do Século XX para abastecer á cidade con auga potable e enerxía eléctrica. Nos 70, o autódromo foi rebautizado como José Carlos Pace en honra ao entón recentemente falecido piloto de Fórmula 1. Existe unha pista de karts no interior do circuíto principal, que leva o nome de Ayrton Senna.

Trofeo Maserati - Maserati Coupé GT-Spec — Rod Romão @ Flickr

O trazado caracterízase por ser un dos poucos, fóra dos Estados Unidos, nos cales compítese en dirección contraria ás agullas do reloxo. Por esta razón, adóitaselle situar no calendario da máxima categoría cerca do Gran Premio de San Mariño, para que os pilotos se aclimáten con maior facilidade, aínda que nestes últimos anos non foi así. (No Autódromo Enzo e Dino Ferrari tamén se disputan as carreiras neste sentido).

911 GT3 in Interlagos — Rod Romão @ Flickr

As instalacións e a organización xeral en Interlagos foron criticadas con frecuencia. Un dos últimos episodios que suscitou tales críticas deuse nas probas clasificatorias do 2000, cando as sesións deberon deterse tres veces debido a que había carteis publicitarios espallados pola pista.

O trazado tamén foi obxectado pola existencia de montículos, que afectan notablemente o rendemento de máquinas e pilotos, principalmente na primeira curva. A pesar dos esforzos dos organizadores para aplanar o asfalto, os pilotos seguíronse queixando nas últimas tempadas.

Stockcar 2010 — ac75d @ Flickr

Con todo o Gran Premio de Brasil é unha carreira fascinante, e foi testemuña de grandes batallas nos últimos anos, por exemplo o adiantamento de Montoya a Schumacher na curva 1 e de igual forma a pasada do propio Schumacher a Räikkönen na tempada 2006 no mesmo punto, a cal veu ser a última gran manobra na F1 do As alemán. A tempada 2007 decidiuse con tres pilotos loitando polo título: Fernando Alonso e Lewis Hamilton, de McLaren, e Kimi Räikkönen, de Ferrari; con vitoria final da carreira e do campionato para o piloto finlandés, quen dúas carreiras antes deste último gran premio estaba a 17 puntos do líder e chegou ao Gran Premio de Brasil con 7 puntos menos que o inglés e 3 puntos menos que o español.

Ferrari F60 - Massa — ac75d @ Flickr

Todos os gañadores de Fórmula 1, no circuíto de Interlagos

Record: M.Schumacher (4 Veces)

Enlaces externos

• The Official Fórmula 1 Website. Versión do 31 de agosto de 2005
• Sitio oficial do Gran Premio de Brasil
• Autodromo Historia e estatística do Autódromo José Carlos Pace
• [http://maps.google.com/maps?ll=-23.701458,-46.697388

Tamiya Mini Cooper S — ac75d @ Flickr