A Capela Real de Granada está situada no centro histórico da cidade de Granada. Nela atópanse soterrados os Reis Católicos, Xoana a Tola e Filipe o Fermoso.
Os Reis Católicos escolleron coma lugar de soterramento a cidade de Granada, creando, mediante Real Cédula de data 13 de setembro de 1504, a Capela Real.
Comezou a construirse no ano 1505 por Enrique Egas en estilo gótico. Ademais interviñeron na súa construción Juan Gil de Hontañón, Juan de Badajoz el Viejo e Lorenzo Vázquez de Segovia.
Rematouse no 1517, consagrándose aos santos Juan Bautista e Juan Evangelista. Ao longo dos anos dotouse de obras de arte, obxectos litúrxicos e reliquias. Perdeu certa importancia cando Felipe II decidiu que o lugar de soterramento da súa dinastía estivera no Escorial, a onde trasladou algúns dos restos.
O museo foi creado no ano 1913. Có desenvolvemento do turismo en España na segunda metade do século XX, converteuse nun dos centros de atracción turística da cidade de Granada.
</div>