A Igrexa de Santo Ildefonso é un edificio relixioso do Porto, Portugal, reconstruído entre 1730 e 1737, por atoparse en ruínas a antiga igrexa.
A nave é de tipo poligonal en estilo barroco. Ten dúas torres campanario. As cornixas están rematadas a cada lado por esfera e frontóns de fantasía.
Na fachada, as paredes están recubertas con azulexos de Jorge Colaço (1932), con escenas da vida de San Ildefonso e alegorías da Eucaristía.