O K2 é unha montaña do Himalaia (tamén coñecida como Mont Godwin-Austen, Chogori ou Dapsang) no masivo de Karakoram, na fronteira sino-paquistanesa (na rexión da Cachemira ocupada). É o segundo pico máis alto do mundo, despois do Everest, cunha altura de 8611 metros.
Foi explorado pola primeira vez por un europeo en 1856. T.G. Montgomery, na expedición liderada por Henry Habershan Godwin-Austen, designouno como "K2" ("Karakoram 2").
A acensión do K2 é considerada moito máis difícil que a do Everest. Ata Xuño de 2000, 189 persoas tiñan conseguido atinxir o cumio, en canto que case 1500 xa escalaran o Everest. 49 persoas morreron tentando a acensión, 13 das cais en 1986. A primeira tentativa profisional de acensión foi no 1902, mais a pesar de cinco tentativas infructíferas e mortais, o seu cumio non foi atinxido ata que unha expedición italiana realizou este feito o 31 de Xullo de 1954. A expedición estaba liderada por Ardito Desio, e os dous alpinistas que atinxiron o cumio foron Lino Lacedelli e Achille Compagnoni.