Monemvasia (en grego Μονεμβασία, tamén coñecido como Malvasia), é un pobo do medievo fortificado, achado nunha pequena península da costa este do Peloponeso, en Grecia. O nome deriva de dúas palabras gregas que significan entrada única, en referencia á lingua de terra e a ponte que unen o promontorio e o continente.
O promontorio rochoso é longo e estreito, ten 1,8 quilómetros de lonxitude a unha altitude de 300 msnm.
O pobo de Monembasia está situado na vertente sudeste, rodeado por murallas por tres dos seus lados e pola parede do promontorio polo cuarto. Gran parte dos edificios son de construción antiga, restaurados ou sen restaurar; a maioría das rúas son angostas e tortuosas, non aptas para vehículos. Hai varias igrexas bizantinas.
Un camiño conduce dende a parte superior da poboación até unha fortificación sita no alto do promontorio. Consérvanse restos de varios edificios, as murallas e unha igrexa bizantina en boas condicións.
Monembasia está conectado ao continente por unha ponte que leva a un pobo chamado Xerifa, ás veces denominado Nea Monemvasia.