Art museums and galleries in París - Paris

Museo do Louvre

9.0/10

O Museo do Louvre (en francés: Musée du Louvre) é un dos museos máis importantes do mundo. Está situado en París, Francia, no palacio do Louvre. As súas coleccións son o resultado dun esforzo histórico: por unha banda, as coleccións reais, por outra, o esforzo dos homes da Ilustración e o labor desamortizador da Revolución francesa. A creación do museo do Louvre significou, dentro da historia dos museos, o paso das coleccións privadas ás públicas, para goce do conxunto da sociedade. Constituír en precedente de todos os grandes museos nacionais europeos e norteamericanos. Con 8,3 millóns de visitantes en 2006 é, con moita diferenza, o museo de arte máis visitado do mundo.

Historia do edificio

O edificio que alberga o museo é o palacio do Louvre. A súa orixe atópase nunha fortaleza do século XII, con ampliacións renacentistas e outras máis tardías. No edificio acumulou o rei Carlos V as súas coleccións artísticas. Os posteriores monarcas Francisco I e Henrique II planearon reformas do palacio, para facer del unha verdadeira residencia real renacentista. Foi a raíña Catalina de Médicis a que esbozou o proxecto que fixo do Louvre o gran palacio que é actualmente, labores que continuou Henrique IV logo das guerras de relixión. A construción do Palacio de Versalles fixo que o do Louvre quedase desocupado pola familia real, e por iso instalouse, xa no século XVIII nel a Academia Francesa primeiro, e as restantes academias despois. Alí celebráronse exposicións anuais da Academia de Pintura e Escultura.

O Palacio do Louvre foi afectado por decreto de maio de 1791 a funcións artísticas e científicas, concentrándose ó ano seguinte as coleccións da coroa. Parte do Palacio do Louvre abriuse por primeira vez ó público como museo o 8 de novembro de 1793, durante a Revolución Francesa. Esta era unha solución lóxica, tendo en conta de que estaba ocupado polas academias, e porque, xa en 1778, elaborouse o proxecto de utilizar a Gran Galería como pinacoteca.

Estivo unido ó palacio das Tullerías formando un só conxunto ata 1870, cando este último foi destruído nos feitos da Comuna de París, á vez que se destruían os tesouros artísticos deste palacio.

A última remodelación foi a pirámide de cristal que serve como entrada desde 1989, deseñada por Ieoh Ming Pei.

En marzo de 2004 anunciouse unha nova ampliación deste museo. Estará dedicada á arte do Islam. Para o seu deseño convocarase un concurso internacional en 2005. Espérase que esta nova sala sexa aberta ó público antes de 2009, cun investimento de 50 millóns de euros para este proxecto.

Coleccións

O museo do Louvre conta actualmente con diferentes coleccións de obras de arte que proveñen de civilizacións, culturas e épocas variadas. Contén arredor de 300.000 pezas, das que só 35.000 están expostas.

. Época de Nectanebo I]] As coleccións do Louvre proveñen de diversas orixes:

  • As coleccións reais. Os monarcas franceses mostraron, xa desde o século XIV, afección por adquirir obras de arte, debendo destacarse o labor de Francisco I e Luís XIV coa adquisición da colección do banqueiro Jabach e do cardeal Mazarino; Luís XV adquiriu a colección do príncipe de Carignan, e Luís XVI, cadros das escolas flamenca e holandesa.
  • A revolución francesa significou a obtención de obras de arte para o estado por diversos camiños: a supresión das ordes monásticas, a desafectación das igrexas e o abandono de bens pola nobreza fuxida. Tamén, entre 1794 e 1795, chegaron obras requisadas polo exército revolucionario en Bélxica e Holanda.
  • As guerras napoleónicas significaron un notable incremento das coleccións do Louvre, pois os exércitos requisaron obras nos distintos países invadidos. No entanto, moitas destas obras tiveron que devolverse ós seus países de orixe. En 1801 a sinatura do Concordato obrigou a devolver ás igrexas obras relixiosas.
  • Durante os séculos XIX e XX, a colección incrementouse mediante doazóns de coleccionistas privados, así como por unha política de adquisicións que se centrou especialmente na escola francesa. Entre as doazóns, cabe destacar a 1935, do Baron Edmond de Rothschild (1845-1934), con máis de 40.000 gravados, case 3.000 debuxos e 500 libros ilustrados.

O Louvre mostra obras de arte anteriores a 1848; as obras posteriores móstranse no Museo de Orsay e a arte contemporánea no Centro Pompidou.

No Museo do Louvre atópase a máis que famosa Gioconda do non menos afamado pintor e escultor Leonardo da Vinci, así como outras obras da Arte universal coma a Venus de Milo, a Vitoria de Samotracia ou o escriba sentado. Aínda que estes feitos provocaron tensións entre os franceses e os italianos, gregos e exipcios xa que os primeiros "apoderáronse" das súas obras máis importantes.

Aparte diso tamén podemos atopar nel bastantes obras de autores moi coñecidos como poden ser Jacques-Louis David, Fragonard, Rembrandt, Rubens, Tiziano, Poussin, ata españois como Goya ou Zurbarán.

Ademais de obras de arte, o Louvre ten unha ampla colección de mobles, sendo o obxecto máis espectacular desta colección o Bureau du Roi do século XVIII, hoxe devolto ó Palacio de Versalles.

Antigüidades orientais

O departamento de antigüidades orientais conserva obxectos da rexión situada entre a actual India e o Mar Mediterráneo. Desde o Neolítico, numerosas civilizacións sucedéronse nesta zona, onde se observa a aparición dunha administración política, militar e relixiosa. É igualmente o berce da escritura, que fixo aparición arredor do 3300 adC en Uruk, Mesopotamia. O museo do Louvre dispón de tres coleccións relevantes neste departamento, organizadas segundo os conxuntos xeográficos e culturais:

  • Mesopotamia (Sumeria, Babilonia, Asiria, Anatolia...)
  • Irán
  • Países de Levante (costa siria-palestina, Chipre)

Arte islámica

Este departamento, creado en outono de 2003, reagrupa as coleccións que proveñen da área situada entre España e a India e datan da orixe da civilización islámica (622) ata o século XIX.

Aquí atópanse moitas xoias da arte islámica: a pyxide de al-Mughira, unha caixa de marfil do ano 968; le plat au paon, unha importante cerámica otomá, e sobre todo o Baptistère de Saint-Louis, unha das máis famosas e enigmáticas pezas desta arte, creada por Muhammad ibn al-Zayn a comezos do século XIV. Tamén é salientable o material das escavacións en Susa (Irán), nas que o museo participou.

O museo pronto tivo que dobrar o espazo dedicado á arte islámica para mostrar polo menos 3.005 obras.

Cadros destacados

Séculos XIII a XV

  • Madonna con anxos, Cimabue (h. 1270)
  • San Francisco de Asís recibe os estigmas, Giotto (h. 1290-1300)
  • Retrato de Juan II o Bo, anónimo (h. 1350). Adquirido por Luis XV, parte de las colecciones reales
  • Virxe do Canciller Rolin, Jan van Eyck (h. 1435). Tomada en la Revolución Francesa (1796)
  • Retrato de Carlos VII, Jean Fouquet (1445-1448). Comprado en 1838
  • Il Condottiere, Antonello da Messina (1475). Comprado en 1865
  • San Sebastián, Andrea Mantegna (1480)
  • A nave dos tolos, el Bosco (1490-1500)
  • Autorretrato, Alberto Durero (1493). Comprado en 1922

Renacemento: Século XVI

  • A Virxe das Rochas, Leonardo da Vinci, (1483-1486)
  • A Gioconda, Leonardo da Vinci (1503-1506), adquirida por Francisco I en 1519
  • A Virxe, o Neno Xeús e santa Ana, Leonardo da Vinci (1508)
  • A bela Xardineira, Rafael Sanzio (1508). Pertenceu ás coleccións reais, e foi adquirida por Francisco I.
  • Retrato de Baltasar Castiglione, Rafael (h. 1515), adquirido por Luís XIV do patrimonio do Cardenal Mazarino
  • As vodas de Caná, Paolo Veronese (1562-1563). Colgaba a dous metros e medio do soño no mosteiro de San Giorgio Maggiore, Venecia ata que foi saqueado polas tropas napoleónicas en 1797.

Século XVII

  • Carlos I de Inglaterra, sir Anthony van Dyck (1635)
  • Natureza morta, Willem Heda (1637)
  • San Xosé carpinteiro, Georges de la Tour (1642), doado en 1948
  • El pie varo, José de Ribera (1642), adquirido en 1869
  • Os peregrinos de Emaús, Rembrandt (1648), collido durante a Revolución francesa en 1793
  • Neno mendigo, Murillo (h. 1650), comprado por Luís XVI arredor de 1782
  • Betsabé no baño, Rembrandt (1654), adquirido en 1869.
  • O boi esfolado, Rembrandt, (1655, adquirido en 1857.
  • Exvoto de 1662, Philippe de Champaigne (1662), collido durante a Revolución Francesa en 1793
  • A encaixeira, Johannes Vermeer, (1669-1670), comprado en 1870
  • Et in Arcadia ego, Nicolas Poussin (1637-1638)

Século XVIII

  • Retrato de Luis XIV, Hyacinthe Rigaud (1701)
  • Embarque para Citerea, Antoine Watteau (1717)
  • Bodegón con gato e raia, Jean Siméon Chardin (1728)
  • Xuramento dos Horacios, Jacques-Louis David (1784)
  • Master Hare, Joshua Reynolds (1788-1789)
  • Retrato da condesa do Carpio, Francisco de Goya (1794-1795)

Século XIX

  • Bonaparte visitando ós apestados de Jaffa, Antoine-Jean Gros (1804)
  • A balsa da Medusa, Théodore Géricault (1819)
  • Ponte de Narni, Camille Corot (1826)
  • A Liberdade guiando ó pobo, Eugène Delacroix (1830)
  • As dúas irmás, Théodore Chassériau (1843)
  • O baño turco, Ingres (1862)

Esculturas destacadas

  • Venus de Milo, Anónimo.
  • Vitoria alada de Samotracia, probablemente de Pithókritos de Rodas, (hacia el 190 adC)
  • Cupido e Psique, Antonio Canova (1793)
  • Escriba sentado, Anónimo, (2480-2350 adC)

O Louvre na literatura e o cine

Literatura

  • L'Assommoir, novela de Émile Zola (1877).
  • O código Da Vinci, novela de Dan Brown.

Cine

  • Ó final da escapada (, Jean-Luc Godard, 1959), ficción.
  • A cidade Louvre (, Nicolas Philibert, 1990), documental. A cidade Louvre en www.trendesombras.com
  • Belphégor, a pantasma do Louvre (, Jean-Paul Salomé, 2000), ficción.
  • O código Da Vinci, Ron Howard, 2006, ficción

Fonte (parcial)

  • Monreal, L., Grandes Museos, Vol. 2, Planeta, 1975. ISBN 84-320-0460-X (obra completa)

Ligazóns externas

Шаблон:Commons

Post a comment
Tips & Hints
Arrange By:
Richard Y.
10 January 2010
Do not enter from the Pyramid, but from the Carrousel: the queue is shorter
GowithOh
13 May 2013
Did you know? The Louvre is free for all on the first Sunday of each month!
Load more comments
foursquare.com
Location
Map
Address

0.1km from Cour Napoléon et Pyramide du Louvre, 75001 Paris, France

Get directions
Open hours
Mon-Thu-Sat-Sun 9:00 AM–6:00 PM
Wed-Fri 9:00 AM–9:45 PM
References

The Louvre (Musée du Louvre) on Foursquare

Museo do Louvre on Facebook

Hotels nearby

See all hotels See all
Magnificent Studio Heart of Paris

starting $87

Melia Paris Notre-Dame

starting $678

Hotel Les Rives de Notre Dame

starting $606

Hotel Le Notre Dame

starting $299

Hotel Henri IV Rive Gauche

starting $249

Hotel Esmeralda

starting $99

Recommended sights nearby

See all See all
Add to wishlist
I've been here
Visited
Palais du Louvre
Francia

Palais du Louvre is a tourist attraction located in París - Paris,

Add to wishlist
I've been here
Visited
Louvre Pyramid
Francia

Louvre Pyramid is a tourist attraction located in París - Paris,

Add to wishlist
I've been here
Visited
Pont des Arts
Francia

A ponte das Artes ou pasarela das Artes (en francés: Pont des Arts ou

Add to wishlist
I've been here
Visited
Saint-Germain l'Auxerrois
Francia

Saint-Germain l'Auxerrois is a tourist attraction located in París -

Add to wishlist
I've been here
Visited
La Pyramide Inversée
Francia

La Pyramide Inversée is a tourist attraction located in París - P

Add to wishlist
I've been here
Visited
Palais-Royal
Francia

Palais-Royal is a tourist attraction located in París - Paris, Francia

Add to wishlist
I've been here
Visited
Musée des Arts Décoratifs, Paris
Francia

Musée des Arts Décoratifs, Paris is a tourist attraction located in P

Add to wishlist
I've been here
Visited
Comédie-Française
Francia

Comédie-Française is a tourist attraction located in París - Paris, Fr

Similar tourist attractions

See all See all
Add to wishlist
I've been here
Visited
Palais du Louvre
Francia

Palais du Louvre is a tourist attraction located in París - Paris,

Add to wishlist
I've been here
Visited
Museo Imperial da Guerra
Reino Unido

O Museo Imperial da Guerra (Imperial War Museum en inglés) é o museo m

Add to wishlist
I've been here
Visited
Palazzo Pitti
Italia

Palazzo Pitti is a tourist attraction located in Florence, Italia

Add to wishlist
I've been here
Visited
Palace of Culture (Iaşi)
Romanía

Palace of Culture (Iaşi) is a tourist attraction located in Iaşi, R

Add to wishlist
I've been here
Visited
Manchester Art Gallery
Reino Unido

Manchester Art Gallery is a tourist attraction located in Manchester,

See all similar places