Nürburgring é un autódromo situado ao redor do pobo e castelo medieval de Nurburgo nas montañas Eifel, Alemaña. Considerado como o circuíto máis difícil e esgotador do mundo, coñéceselle como Grüne Hölle ou "inferno verde", apelativo inventado polo piloto de Fórmula 1 Jackie Stewart.
O circuíto orixinal concibiuse como lugar de probas das marcas alemás de automóbiles. A construción do circuíto, deseñado por Otto Creutz, iniciouse en setembro de 1925. Nesta época existía un único trazado de 28.3 km de 6.7 m de ancho e estaba formado por dúas seccións, a sección sur, Südschleife, de 7.5 km, e a sección norte, Nordschleife, de 22.8 km. O primeiro Campionato Mundial de Motociclismo disputouse nesta pista o 19 de xuño de 1927 e un mes máis tarde, o primeiro Gran Premio de Alemaña.
En 1929 utilizouse por última vez o circuíto completo en competicións internacionais. Os pilotos que conseguiron recordar cada curva e gañar foron chamados Ringmeister ("mestre do anel"), como Rudolf Caracciola, Tazio Nuvolari e Bernd Rosemeyer.
As competicións de Fórmula 1 iniciáronse en 1951 e desde o principio incluíron o Gran Premio de Alemaña (en 1959 disputouse en AVUS, en Berlín). Xurdiron novos Ringmeister, talles como Alberto Ascari, Juan Manuel Fangio, Stirling Moss, John Surtees, Jackie Stewart e Jacky Ickx. A finais dos anos 1960, a pista era cada vez máis perigosa debido ao aumento constante de velocidade dos Fórmula 1, polo que en 1970 o Gran Premio de Alemaña mudouse temporalmente ao Hockenheimring mentres se reconstruía a sección norte. Elimináronse obstáculos e instaláronse barreiras de seguridade, pero isto foi suficiente por poucos anos. Desde 1976, a pista xa non cumpría coas novas regulacións de seguridade e, polas súas dimensións, tampouco se adaptaba o espectáculo en televisión - era imposible cubrir o percorrido enteiro mediante cámaras de televisión. Un accidente case fatal de Niki Lauda, un dos maiores opoñentes ao circuíto, precipitou a saída do Nürburgring das competencias de Fórmula 1.
Entre 1981 e 1984, reconstruíuse o circuíto, en parte sobre o antigo trazado, cunha lonxitude reducida a 4,5 km. Este foi completado en 1984 co que a Fórmula 1 regresou a Nürburgring ese ano, en 1985 e logo desde 1995. Chamouse Gran Premio de Europa pero tamén Gran Premio de Luxemburgo. En 1999 as choivas intermitentes fixeron que moitos fanáticos cresen que a "pantasma do Nordschleife" volvera - durante uns minutos unha zona da pista estaba absolutamente mollada, e a outra totalmente seca.
O Nordschleife utilízase en competicións especiais, como as 24 horas de Nürburgring, e como pista de probas. Ademais calquera persoa pode pagar para correr nela co seu automóbil, sexa un turismo de baixa potencia ou un superdeportivo.
Ano | Piloto | Auto | Duración | Lonxitude | Voltas | Velocidade media | Data | GP de |
---|---|---|---|---|---|---|---|---|
Nürburgring Nordschleife | ||||||||
1951 | Alberto Ascari | Ferrari | 3:23:03,300 h | 22,810 km | 20 | 134,801 km/h | 29. Xullo | Alemaña |
1952 | Alberto Ascari | Ferrari | 3:06:13,300 h | 22,810 km | 18 | 132,288 km/h | 3. Agosto | |
1953 | Giuseppe Farina | Ferrari | 3:02:25,000 h | 22,810 km | 18 | 135,047 km/h | 2. Agosto | |
1954 | Juan Manuel Fangio | Mercedes-Benz | 3:45:45,800 h | 22,810 km | 22 | 133,366 km/h | 1. Agosto | |
1956 | Juan Manuel Fangio | Ferrari | 3:38:43,700 h | 22,810 km | 22 | 137,656 km/h | 5. Agosto | |
1957 | Juan Manuel Fangio | Maserati | 3:30:38,300 h | 22,810 km | 22 | 142,943 km/h | 4. Agosto | |
1958 | Tony Brooks | Vanwall | 2:21:15,000 h | 22,810 km | 15 | 145,338 km/h | 3. Agosto | |
1961 | Stirling Moss | Lotus-Climax | 2:18:12,400 h | 22,810 km | 15 | 148,538 km/h | 6. Agosto | |
1962 | Graham Hill | BRM | 2:38:45,300 h | 22,810 km | 15 | 129,312 km/h | 5. Agosto | |
1963 | John Surtees | Ferrari | 2:13:06,800 h | 22,810 km | 15 | 154,222 km/h | 4. Agosto | |
1964 | John Surtees | Ferrari | 2:12:04,800 h | 22,810 km | 15 | 155,429 km/h | 2. Agosto | |
1965 | Jim Clark | Lotus-Climax | 2:07:52,400 h | 22,810 km | 15 | 160,542 km/h | 1. Agosto | |
1966 | Jack Brabham | Brabham-Repco | 2:27:03,000 h | 22,810 km | 15 | 139,606 km/h | 7. Agosto | |
1967 | Denis Hulme | Brabham-Repco | 2:05:55,700 h | 22,835 km | 15 | 163,200 km/h | 6. Agosto | |
1968 | Jackie Stewart | Matra-Ford | 2:19:03,200 h | 22,835 km | 14 | 137,943 km/h | 4. Agosto | |
1969 | Jacky Ickx | Brabham-Ford | 1:49:55,400 h | 22,835 km | 14 | 174,498 km/h | 3. Agosto | |
1971 | Jackie Stewart | Tyrrell-Ford | 1:29:15,700 h | 22,835 km | 12 | 184,191 km/h | 1. Agosto | |
1972 | Jacky Ickx | Ferrari | 1:42:12,300 h | 22,835 km | 14 | 187,676 km/h | 30. Xullo | |
1973 | Jackie Stewart | Tyrrell-Ford | 1:42:03,000 h | 22,835 km | 14 | 187,961 km/h | 5. Agosto | |
1974 | Clay Regazzoni | Ferrari | 1:41:35,000 h | 22,835 km | 14 | 188,824 km/h | 4. Agosto | |
1975 | Carlos Reutemann | Brabham-Ford | 1:41:14,100 h | 22,835 km | 14 | 189,474 km/h | 3. Agosto | |
1976 | James Hunt | McLaren-Ford | 1:41:42,700 h | 22,835 km | 14 | 188,586 km/h | 1. Agosto | |
Nürburgring Grand-Prix-Kurs | ||||||||
1984 | Alain Prost | McLaren-TAG-Porsche | 1:35:13,284 h | 4,542 km | 67 | 191,751 km/h | 7. Outubro | Europa |
1985 | Michele Alboreto | Ferrari | 1:35:31,337 h | 4,542 km | 67 | 191,147 km/h | 4. Agosto | Alemaña |
1995 | Michael Schumacher | Benetton-Renault | 1:39:59,044 h | 4,556 km | 67 | 183,180 km/h | 1. Outubro | Europa |
1996 | Jacques Villeneuve | Williams-Renault | 1:33:26,473 h | 4,556 km | 67 | 196,007 km/h | 28. Abril | |
1997 | Jacques Villeneuve | Williams-Renault | 1:31:27,843 h | 4,556 km | 67 | 200,244 km/h | 28. Setembro | Luxemburgo |
1998 | Mika Häkkinen | McLaren-Mercedes | 1:32:14,789 h | 4,556 km | 67 | 198,545 km/h | 27. Setembro | |
1999 | Johnny Herbert | Stewart-Ford | 1:41:54,314 h | 4,556 km | 66 | 177,034 km/h | 26. Setembro | Europa |
2000 | Michael Schumacher | Ferrari | 1:42:00,307 h | 4,556 km | 67 | 179,541 km/h | 21. Maio | |
2001 | Michael Schumacher | Ferrari | 1:29:42,724 h | 4,556 km | 67 | 204,143 km/h | 24. Xuño | |
2002 | Rubens Barrichello | Ferrari | 1:35:07,426 h | 5,146 km | 60 | 194,742 km/h | 23. Xuño | |
2003 | Ralf Schumacher | Williams-BMW | 1:34:43,622 h | 5,148 km | 60 | 195,633 km/h | 29. Xuño | |
2004 | Michael Schumacher | Ferrari | 1:32:35,101 h | 5,148 km | 60 | 200,160 km/h | 30. Maio | |
2005 | Fernando Alonso | Renault | 1:31:46,648 h | 5,148 km | 59 | 198,555 km/h | 29. Maio | |
2006 | Michael Schumacher | Ferrari | 1:35:58,765 h | 5,148 km | 60 | 193,081 km/h | 7. Maio | |
2007 | Fernando Alonso | McLaren-Mercedes | 2:06:26,358 h | 5,148 km | 60 | 146,567 km/h | 22. Xullo | |
2009 | Mark Webber | Red Bull-Renault | 1:36:43,310 h | 5´148 km | 60 | 191´599 km/h | 12. Xullo | Alemaña |
Record Nordschleife: J.M.Fangio/J.Stewart (3 Veces); Record GP-Kurs: M.Schumacher (5 Veces)
Boxes de Nürburgring