O Ras Dashan (tamén transcrito Ras Dashen e Ras Dejen; en ge'ez rās dejen, literalmente "cabeza gardiana", pero cabeza aquí vale por montaña) é o monte con maior altura de Etiopía. Está incluído no Parque Nacional dos Montes Semien, e alcanza unha altitude de 4.549 m.s.n.m.
O monte localízase a uns 160 km ao norte do lago Tana, na cadea dos Montes Simien, e sobresalienta entre outros nove cumes importantes. É o único pico de Etiopía que está nevado en inverno. Xeoloxicamente é unha enorme rocha basáltica, de orixe volcánica.
As medicións habituais outorgábanlle unha altura de 4.533 m. Unha medición de 4.620 m, demostrouse que era inconsistente. Máis recentemente un equipo franco-italiano de DGPS medía unha lixeira maior elevación dando 4.549 metros, que está de acordo con as oferecidas polas autoridades cartográficas de Etiopía.
Aínda que a transcrición do nome ofrecido polo Servicio Cartográfico de Etiopía resulta no topónimo "Ras Dejen", sen duda a grafía correcta, máis o uso fixo que "Ras Dashan" ou "Ras Dashen" sexa moito máis utilizados. O recomendábel, porén, sería utilizar a transcrición máis correcta, porque isto é un só nome e non conlevaría moito custo, cando todo Occidente está a cambiar a transcrición de nomes chineses ao novo sistema, despois de séculos de usar outras transcricións alternativas, por indicar un sinxelo exemplo comparativo.
A primeira ascensión por occidentais debeu efectuarse en 1841, polos oficiais franceses Ferret e Galinier; porén as ascensións de autóctonos son moi posíbeis desde tempos inmemoriais polas boas condicións climáticas que ofrece o pico e a existencia de asentamentos pastorís a elevada altura.