O Zugspitze é unha montaña situada na cadea dos Alpes, no macizo de Wetterstein, nos Alpes bávaros. É a cima máis elevada da Alemaña, con 2.962 metros. O Zugspitze ubícase exactamente sobre a fronteira xermano-austíaca, mais o cume está dentro da Alemaña. Forma parte do distrito de Garmisch-Partenkirchen.
O Zugspitze fica nunha rexión de deportes invernais, dispondo dun pequeno glaciar, o Schneeferner, que está en retroceso nos últimos anos. Sitio moi turístico, a cima é doadamente accesíbel por medio do Ferrocarril do Zugspitze e polos teleféricos a disposición, tanto na parte alemana como na parte austríaca. As temperaturas medias do cume atinxen os -11,2°C en xaneiro e os 2,0°C no mes de xullo. A capa de neve, en promedio, alcanza os 385 cm en marzo.
Entre o Sonnenspitze, o Wetterstein (onde se levanta o Zugspitze) e o Daniel, coexisten tres tipos de rochas encamadas unhas sobre as outras até o erguemento do macizo. Estas montañas preséntanse agora como unha balconada sobre o val do río Inn. Case todos estes tipos de rochas se formaron no remoto pasado no fondo do mar e están compostas de material calcáreo e dun seu derivado, a dolomita. Xunto con estas rochas áchase tamés gres, silicatos e toba volcánica.
En comparación con a idade da Terra (4.500 millóns de anos), as rochas presentes aquí son relativemente novas. Un primeiro grupo data de 250 a 130 millóns de anos de antigüidade (Triásico e Xurásico), mentres que un segundo grupo data de arredor "tan só" 10.000 anos (glaciación de Würm).