Un mausoleo é un edificio externo construído como un monumento que inclúe o espazo de enterro ou a cámara de enterro dunha ou varias persoa defuntas. Ó mausoleo funerario baleiro erixido en honra dunha persoa, ou grupo de persoas, para os que se desexa gardar un recordo especial chamase cenotafio. Os mausoleos cristians algunhas veces teñen tamén unha capela. Unha tumba pode ser considerada un mausoleo.
Etimoloxía
Etimoloxicamente provén do latín: Mausolēum, sepulcro de
Mausolo, rei de Caria, quen se fixo construír o famoso Mausoleo de
Halicarnaso, unha das chamadas Sete Marabillas do Mundo.
Mausolo era un dos príncipes máis ricos e poderosos do seu tempo; á
súa morte foi tan chorado pola súa esposa Artemisa II que esta,
para enaltecer a memoria do seu amado, mandou construír en
Halicarnaso un magnífico sepulcro, cuxo esplendor eclipsaba todo o
que neste xénero se viu ata entón. Medía 400 pés de circunferencia,
140 de altura e contiña no seu recinto 36 columnas. A pirámide que
coroaba o monumento tiña por remate un carro de mármore tirado por
catro cabalos.
Moitos soados escultores, Timoteo, Escopas e Leocares, entre
outros, enriquecérono con estatuas e baixorrelevos. Desde entón o
nome de Mausoleo foi aplicado a todos os monumentos fúnebres
levantados en honra dun príncipe ou outro personaxe notable.
Mausoleos
destacados
Algúns mausoleos destacados no mundo son:
- A capela Colleoni, unha capela/mausoleo na cidade
italiana de
Bérgamo.
-
Taj Mahal,
ordenado construír polo emperador mogol Sha Jahan co fin de servir
de sepultura onde gardar os restos mortais da súa esposa Mumtaz
Mahal na India. Foi comezado a
construír en 1632 e tardouse máis de 20 anos en acabalo. Foi unha
das marabillas do mundo e é unha das máis fermosas, ademais de ser
unha das máis grandes.
- O mausoleo de Augusto é un impoñente monumento funerario
do século I a.C., de planta circular, situado en Roma.
- O mausoleo de Itimad-Ud-Daulah atópase situado na cidade
de Agra no estado indio de Uttar
Pradesh. Coñéceselle tamén como "o pequeno Taj" xa que algúns o
consideran como un bosquexo do Taj Mahal.
- O Mausoleo de Lenin ou Tumba de Lenin é o
mausoleo de Vladimir Ilich Ulianov, máis coñecido como «Lenin». Foi
levantado por orde do Goberno Soviético tras a súa morte en 1924 e
expón o seu corpo embalsamado ao público desde entón, salvo en
poucas ocasións en tempos de guerra.
-
Anıtkabir (literalmente "tumba memorial") é o mausoleo
de Mustafa Kemal Atatürk, o líder da Guerra de Independencia Turca
e fundador e primeiro presidente da República de Turquía. O
mausoleo localízase na cidade de Ancara
- O mausoleo de Constantina, coñecido co nome de igrexa de
Santa Costanza, atópase na cidade de Roma
(Italia). Foi
construído no segundo cuarto do século IV para a filla do Emperador
Constantino
- O Mausoleo de Teodorico e Amalasunta é un monumento
situado nos arredores de Rávena (Italia) construído
polo rei Teodorico o Grande cara ao ano 520 d.C. coa intención de
que fose a súa futura tumba, en mármore branco de Istria. É a máis
soada construción funeraria dos ostrogodos.
- O Mausoleo do Báb, situado sobre o Monte Carmelo en
Haifa, Israel, contén os
restos mortais do Báb, fundador do Babismo e precursor de
Bahá'ou'lláh creador dá Fe Bahá'í.
Véxase
tamén
Outros
artigos
- Cenotafio
- Mastaba
- Mausoleo romano